大家都知, 我在今年一月入左院, .發現自己既腎唔work 啦…知道左呢件事及作治療到至現今都有半年啦….我仍然生存著, 感恩…...
記得第1 日入院, 我真係好驚......仲要入ICU, 真係驚驚...但唔入院, 隨時無命....好彩最後安全地做好"插喉”手術,準備洗血‧洗左一次, 2 次慢慢習慣了, 自己心情都唔驚啦….姑娘話只要定期洗血, 會無乜野既…
...而在醫院當中, 有很多朋友黎醫院探我…真係好多呀…有教會團友, 有中小學同學, 波友, 公司同事, 及親友等等….佢地都抽空黎探我..佢地有d 日日都黎啦…有大家既支持…我可以更堅持撐下去..
當時我係好感恩的...覺得雖然突然有呢個病...係唔好彩....但有失必有得....得既就係神讓我知道有好多朋友支持我. 我好開心…醫生姑娘都好錫我..自己會咁諗..事實就係事實了, 無法改變了, 只好將件事KEEP 住唔好變更壞...為最後換腎作準備....
定左星期3 同6下午去醫院"洗血", 原本話要星期2同5 上午GA, 就係姑娘知我將來要返工...俾我可以一星期剩係請星期3半日, 所以俾我改期......真開心啦...而星期3 公司必會俾我放假做洗血…..
洗左血幾個月, 好快轉左做洗肚, 當中又要做插肚喉手術…洗左肚幾個月,直到攪到個肚喉塞左., 至到而家又洗返血…插喉,拆喉, 插喉前後做左幾次手術..神當中都保守我, 每次都唔會咁痛, 都沒事平安出來…
期間入院無數次, 識左好多病友, 大多係年青既, 有d 換左腎, 有d 未換..識左好多姑娘….有佢地既解釋鼓勵..自己既心都定d…
雖然洗血有時會覺得唔舒服, 但最後我會平安無事, 工作還是工作,玩時又可以玩…有人話洗血仍然可以正常工作, 真係好叻啦….
而生活上,我好感謝各位 弟兄姐妹, 朋友, 同事既包容及支持…
其實還有好多朋友而家先知道, 但佢地都好緊張……好關心….
而家想做既事, 我而家都會盡量去做…例如學結他, 睇舞台劇…
學結他- 有振剛教我, 有炳陪我一齊學…呢d 都係神既恩典…
最緊要我肯練…….真係唔同左, 以前唔識珍惜, 所以學極都唔識…
係唔係覺得我好幸福呢?全部都係神所賜啦…
之前去左廣州醫院抽血, 做matching, 佢地話3個月內有腎換, 雖然當中聽到好多唔好既假設, 可能有機會byebye…50%好50%就咁講byebye…
因為有機會細菌感染or d血有問題…但呢d好難控制..全部都係要交付俾神……我.對醫生 姑娘 有信心, 我更要對神有信心…
幸福唔係必然, 無論點,神永遠與我地同在…
能忍受試煉的人, 是有福的, 因為他經過考驗之後, 必得著生命的冠冕, 這冠冕是主應許給愛他的人(雅1:12)
Chatboard (0)